Engie's weblog

بسم الله الرحمن الرحيم، والحمد لله رب العالمين، والصلاة والسلام على أشرف الخلق سيدنا محمد صلى الله عليه وسلم تسليمًا كثيرًا.  يا رب، اللهم لا اعتراض على ما أصابني من ظلم أو أذى، فجميع قضائك خير، يقينًا خير.. أليست الكلمة الطيبة صدقة؟ أليست شجرة أصلها ثابت وفرعها في السماء تؤتي أكلها كل حين بإذن ربها؟ ألم يكن سيدنا محمد صلى الله عليه وسلم يقبل فاطمة في جبينها كلما رآها؟ يا رب إجعل أمي تقبلني وتحبني يا رب كما أحب سيدنا محمد صلى الله عليه وسلم فاطمة ابنته رضي الله عنها.

سبحان الله، في حاجات كتير قوي بتحصل في حياة الإنسان مابتغيرهوش، وحاجات صغيرة، مشاهد لا تتعدى ثوانٍ في حياتنا بتغير كل حاجة.  زمان، مش فاكرة ٢٠٠٦ ولا ٢٠١٠، لأن في السنتين دول كنت بشتغل في جاردن سيتي، ركبت مع سواق تاكسي عشان أروح الشغل، والراجل لا يبدو عليه أمارات سوء نية أو آثار جرائم في وجهه. توكلنا على الله ووصلني لمكان شغلي، وﻷني ماكانش معايا فكة والحساب كان تقريبًا ١٥ جنيه، فأنا اديته ٢٥ جنيه عشان يديني الـ ١٠  الباقي، ولأن جاردن سيتي معظم شوارعها إن لم يكن كلها اتجاه واحد وضيقة، وﻷنها منطقة بنوك، فكم الكلاكسات اللي اتضربت له من الأربع عربيات اللي وراه كان مزعج للغاية، فأنا بمنتهى حُسن النية نزلت من العربية قال يعني بوفر له وقت يطلع الفلوس وننجز، لسة بمد له إيدي من الشباك آخد العشرة جنيه الراجل راح عامل زي السواق بتاع هنيدي في فيلم صعيدي في الجامعة الأمريكية لما كان عنده امتحان، داس بنزين وهرب بأقصى سرعة.. الفرق الوحيد اللي مابينهم إن اللي سرقني دخل في أول يمين واختفى وطبعا ماعرفتش ألحقه لأن كان على ضهري لابتوب تهمة ومفيش أي حد ساعدني.. المهم إن أنا من ساعتها من هول المفاج