مابين الإيمان بالله وقضائه وقدره وضيق النفس
سبحان الله، في حاجات كتير قوي بتحصل في حياة الإنسان مابتغيرهوش، وحاجات صغيرة، مشاهد لا تتعدى ثوانٍ في حياتنا بتغير كل حاجة.
زمان، مش فاكرة ٢٠٠٦ ولا ٢٠١٠، لأن في السنتين دول كنت بشتغل في جاردن سيتي، ركبت مع سواق تاكسي عشان أروح الشغل، والراجل لا يبدو عليه أمارات سوء نية أو آثار جرائم في وجهه.
توكلنا على الله ووصلني لمكان شغلي، وﻷني ماكانش معايا فكة والحساب كان تقريبًا ١٥ جنيه، فأنا اديته ٢٥ جنيه عشان يديني الـ ١٠ الباقي، ولأن جاردن سيتي معظم شوارعها إن لم يكن كلها اتجاه واحد وضيقة، وﻷنها منطقة بنوك، فكم الكلاكسات اللي اتضربت له من الأربع عربيات اللي وراه كان مزعج للغاية، فأنا بمنتهى حُسن النية نزلت من العربية قال يعني بوفر له وقت يطلع الفلوس وننجز، لسة بمد له إيدي من الشباك آخد العشرة جنيه الراجل راح عامل زي السواق بتاع هنيدي في فيلم صعيدي في الجامعة الأمريكية لما كان عنده امتحان، داس بنزين وهرب بأقصى سرعة.. الفرق الوحيد اللي مابينهم إن اللي سرقني دخل في أول يمين واختفى وطبعا ماعرفتش ألحقه لأن كان على ضهري لابتوب تهمة ومفيش أي حد ساعدني.. المهم إن أنا من ساعتها من هول المفاجأة بقيت مابنزلش من العربية إلا لما آخد الباقي بتاعي وأراجعه وبقيت بتعامل مع أي حد غريب بمبدأ "حرص ولاتخونش"..
ده كلام حصل من سنيــن، وخلاني غيرت أسلوبي تمامًا مع طبقة كاملة من المجتمع، ومع كل الأغراب اللي الواحد بيتعامل معاهم في أمور مادية.
لكن اللي حصل لي الإثنين اللي فات، خلاني على يقين إن ربنا سبحانه وتعالى إرادته كلها خير، وقضاء الله كله خير، وأنه الرحمن يُدبر الأمر خير تدبير.
إحنا البشر، مفهومنا عن الخير والشر قاصر جدًا، سيدنا موسى عليه السلام وهو نبي لم يستطع الصبر على مالم يعلم أسبابه، ولو علمها لإختار هو وكل عاقل إرادة الله كما هي .. ده متثمل بشكل واضح في الآيات الكريمة في سورة الكهف:
بسم الله الرحمن الرحيم
"
"
وأترككم أعزائي مع هذه المقالة
إِنَّا لِلَّهِ وَإِنَّا إِلَيْهِ رَاجِعُونَ، اللَّهُمَّ أْجُرْنِي فِي مُصِيبَتِي وَأَخْلِفْ لِي خَيْرًا مِنْهَا
أستودعكم الله.
Comments
Post a Comment