15 سنة
2001 أنا (اللي ما بيعجبنيش العجب في العطور): مدام مها حاطة برفيوم رائحته حلوة قوي. صديقتي الصدوقة: إمممم .. حلو قوي فعلا مدام مها (جالسة على الديسك بتاعنا): إسمه Hot Couture .. وبدأت تسرد في كم هو يظل عالقا بالملابس وكم هو ثمين ... ............ 2006 أحد زملائي بالجامعة: إنجي، أختي سافرت ومش عارف أجيب إيه لماما هدية في عيد الأم .. أنا: هات لها ساعة هو: عندها ساعات كتير ومش عايزة ساعة أنا: هات لها برفيوم هو: أيوة، أجيب لها برفيوم إيه بقى؟ أنا: Hot Couture بعد عدة أيام أنا: ها، جبت لمامتك إيه في عيد الأم؟ هو: جيبت لها البرفيوم اللي قلتي عليه أنا: طب وعجبها؟ هو مبتسما: قالتلي "عرفت البرفيوم ده منين يا صايع؟!" أنا ابتسمت في صمت. ............ 2016 قررت أعامل نفسي أحسن، اشتريت البرفيوم بعد 15 سنة ... مش عارفة أتبسط ولا أتضايق من كتر صبري ع الحاجات اللي بحبها.
