اكتشافاتي .. أسلوب حياة
بعيدا عن إني أصبحت على قناعة تامة إن التين والزيتون لا يدخلهما دود بخلاف خواصهما المساعدة على تجديد الخلايا الحية، إلا إني اكتشفت إن في التأني السلامة، التأني في المشاعر واكتشفت إني فعلا مش لازم أتحشر في أمور الناس وأدلي برأيي أو أنصحهم من غير ما يطلب مني، ده حتى النصيحة على الملأ فضيحة، وإن الأسلوب غير المباشر في الطلب أو النصح أنجح بكتير من الصراحة، وإن مشاعري مش مشاع، مفيش أي ضرورة إني أشاركها مع أي حد، وإني مش مضطرة أكون لطيفة مع ناس مابحبهمش أو آذوني ، وإن التغافل وتكبير الدماغ عن بعض أخطاء الآخرين أريح بكتير من التركيز عليها أو مواجهتهم بيها والإكتشاف الرابع والأهم هو إن الصمت أبلغ من الكلام. #الوضع_الصامت